粤语版：系广州生活噶感受

只看楼主返回列表

写左关于现在的生活，或许人地会认为我这生活对他们而言简直就是无聊，但对于我而言就是不一样了，因为之前的我就是在繁华的广州漂泊过一段时间，对都市的生活实在是受不了了，下面你们可以看看我在广州的几天生活，这样你才会了解我现在的心态了。

两日噶广州生活令我身心疲累，或者哩地甚或只系短暂噶，当工作稳定后就会慢慢习惯咧，我依家可以做噶就只有咁样自我安慰啦。但系有地也始终都系无法避免噶，例如一下几样也啦：

起床篇：明明九点先上班，但系因为广州噶交通“好”到全地球人都知道所以就要早两个钟头就要起身啦。岩岩果阵实习又系冬天，冬天噶床特别噶吸引人，无奈噶系为左返工唔迟到就要掟起心肝同温暖噶被铺黎一场撕心裂肺噶对决啦，经过一番思想斗争之后终于逃脱被铺噶诱惑陷阱。

公交篇：广州噶公交车质量真系好到不可思议，咁多人逼上去，距都依然安然无恙，完全无被逼爆噶现象。等公交噶人或许已经习惯人逼人噶情况，明明见到公交上面噶人已经被逼到个个面容扭曲，依然要发挥“钉子精神”顶硬上，逼入哩个快要令人窒息噶铁箱里面，真系精神可加啊...车噶前门太逼上唔到车？唔使惊，广州人好聪明噶，前门上唔到咪前门比钱后门上车罗，通常后门都会比较松动小小噶，咁样落车又方便d啦。系搭公交方面广州人真系将“钉子精神”发挥的淋漓尽致，无懈可击，本人真系佩服得五体投地。上到公车千其咪期望会有位错，要知道系广州要占一席之位不仅要考运气，仲要靠勇气噶。点解要勇气？因为要做到唔比阿婆，细路甚至大肚婆让位确实系好需要勇气噶。要做一个无良知噶人确实勇气要够足，除非你系盲噶，甘咪唔使让位罗，因为你盲噶话，你根本唔知有阿婆，细佬或者大肚婆噶存在啦，不过同时你都系一位伤残人士，人地仲会让位比你添，就好似周星驰电影里面噶一个片段。上到车你都咪开心住，车里面唔只系闷焗，而且里面噶人个个都表情麻木，两眼呆滞，简单地从表面分析就系--未训醒。由于车里面都系上班一族，所以车上噶人唔系灰色衫就系黑色衫，令人觉得一起身就好郁结，打唔起精神。

饮食篇：人地话，吃在广州死在柳州，意思系广州d也好好食，但系我实习果几日，饮食确实差，仲比学校噶差，差噶原因都系归咎于一下三点：
一、无钱  小食好食但系食唔饱，要食正餐，但系正餐你钱包无甘上下水分噶话，要吃好野，好有难度。
二、无时间  由朝做到晚，落班返到住噶地方已经7点了，而且仲要冲凉洗衣服添，搞掂嗮都起码接近9点，第二日又要一早起床，所以又要早地训，咁样噶行程，又点有时间去稳好野食啊。
三、唔熟广州  哩点系重点，唔熟路，又唔知边度有好野食，要稳噶话就要又好嗮时间，除非放假啦，但系难得放假又好想休息一下，唔想去逼公交。诶，无奈啊

居住篇：哩样系我好唔想讲噶一样，都系我最失败噶一样，但系为左提醒师弟、师妹，我只好罗返我d淤事出来讲啦。系广州要稳住噶地方真系好难，如果你又想稳一间近自己公司，打算唔使搭公交，可以行路返工噶就难上加难了。广州寸金尺土，尤其系越秀北京路附近，例如德政路，中山路这些路段，如果近地铁口噶10平方的小笼就要800块以上，而且地楼仲会好旧，起码老过你啊爷，当然距系包所谓的电器，但系唔要哩d电器好d，因为电器多了，都意味着电费也会很贵。唔嫌弃人口杂的可以选择金沙洲和龙洞这些地方住，哩d地方噶租金相对平好多，房都比较新，租金都系250多点咁样，而且好多都系50蚊上网费，有得上网对我地哩d岩岩出来社会实习噶大学生黎讲好重要，因为好多人都要忙住做毕业论文，而且有电脑就有娱乐唔使甘闷啦。但系通常系哩地地方住系无热水器噶，所以冲凉好麻烦要电水或者自己买热水器。返工就比较麻烦要搭好耐噶车，哩样就系距最大噶不足。最后要提醒你地噶系前期咪稳房地产中介帮手稳屋，例如：合富、满堂红哩d，房地产中介都系吸血鬼，距地帮你稳噶屋通常好贵，都系800蚊以上噶，而且距地又会收好多噶手续费，一般都系你租噶果间屋噶月租一半咁样。

哩地就系我系广州渡过噶最狼狈日子，希望准备投身于广州工作噶师弟、师妹们做好心里噶准备啦。你地真系要好好考虑，自己真系可以适应哩地生活先好啊，否则以后后悔就无用啦。

(第1楼) 08-7-21 11:17

(yu2211)

(bubu)

返回列表

我觉得广州D小吃几好吃啊!!